Бериша: Ова е парламент на нарко-картели, нема да го поддржиме Пелеши за прв парламентарец

Лидерот на опозициската Демократска партија и поранешен албански премиер, Сали Бериша, по првата седница на новиот законодавен дом, на која тој и неговите сопартијци, предизвикаа тензична ситуација, продолжи со обвинувања и надвор од собраниската сала.

Тој рече дека овој нов парламент им припаѓа на нарко-картелите, критикувајќи го претседавачот на седницата, доктор Васил Љајо, дека нема парламентарно искуство и дека, според Бериша, тој го уништил деловникот на парламентот.

– Амбасадорите беа присутни. Јас немам никаква работа со нив, имам работа со моите граѓани. Во присуство на амбасадорите јас само реков дека во овој парламент има нарко-картели. Бог ќе те убие ако не го кажете тоа. Како можев да дозволам Васил кој е доктор и нема парламентарно искуство, да биде измамен како што сакаат? Тоа е тоа, тој го уништи и деловникот на парламентот, не дозволувајќи дискусија, рече Бериша.

На новинарско прашање дали деловникот предвидува дискусии, Бериша одговори „она што го кажувате се случува во нормален парламент, а не како овој“.

– Кога не е нормален парламент, ова не е она што го кажувате, додека ако беше нормален парламент, процедурите исто така би биле нормални, рече Бериша.

Кажа дека попладнево на седницата на парламентот нема да го гласаат Нико Пелеши, кандидат на социјалистите, за прв човек на законодавниот дом.

Реално на социјалистите и не им се потребни гласовите на опозицијата, зашто од 140 има 83 пратеници.

Бериша на посебна објава на Фејсбук реагираше околу министерката креирана со вештачка интелигенција-Диела, која ќе ги води и доделува сите јавни тендери.

„Диела ги презеде тендерите! Победа! Сите пари кај Рамадуро, напиша Бериша обвинувајќи го премиерот Рама за корупција.