Иако се повлече од пазарот, „Кока-кола“ го регистрираше својот бренд во Русија

Компанијата „Кока-кола“ (Coca-Cola), најголемиот производител на безалкохолни и газирани пијалаци во САД, го регистрираше својот заштитен знак во Русија, иако претходно се повлече од тој пазар, пренесува ТАСС.

Станува збор за заштитниот знак „Кока-кола“, кој ќе се користи за продажба на безалкохолни пијалаци со овошен вкус, газирана вода, освежителни напитоци, како и есенции за подготовка на пијалаци. Регистрацијата е со важност од десет години.

Компанијата и претходно ги продолжуваше ексклузивните права на одредени заштитни знаци, што укажува на настојувањето да ја задржи правната контрола врз брендот на рускиот пазар, без оглед на актуелната суспензија на деловните активности.