Џеј Ди Венс и Галибаф седнаа на иста маса заради запирање на четириесетдневниот конфликт

 Во Исламабад денеска започнаа мировни преговори меѓу Соединетите Американски Држави и Иран, потврдија пакистански владини претставници и јавните сервиси на двете земји.

Делегациите ги започнаа разговорите лице в лице во присуство на пакистански посредници, по првичниот период на неизвесност околу тоа дали ќе има директна комуникација.

Американската делегација ја предводи потпретседателот Џеј Ди Венс, придружуван од специјалниот пратеник Стив Виткоф и зетот на претседателот Трамп, Џаред Кушнер.

Иранската страна е застапена од претседателот на Парламентот, Мохамад Багер Галибаф, со поддршка од министерот за надворешни работи Абас Арагчи.

Ова е прв случај на директни разговори по почетокот на конфликтот пред 40 дена. Пред официјалниот старт, двете делегации остварија одделни средби со пакистанскиот премиер Шехбаз Шариф.

Според разузнавачки извори, преговорите ќе продолжат и утре со цел постигнување трајно споразумение. Исламабад веќе посредуваше за двонеделно примирје по серијата американски и израелски напади врз ирански цели на 28 февруари, во кои беше убиен и врховниот лидер ајатолахот Али Хаменеи.

Безбедноста на преговорите ја гарантираат 10.000 припадници на силите за безбедност, а зоната околу хотелот е целосно затворена.