Завршија преговорите меѓу Украина и Русија со посредство на САД во Женева

Мировните преговори меѓу Русија и Украина во Женева беа ненадејно прекинати по само два часа откако украинскиот претседател Володимир Зеленски ја обвини Русија дека намерно ги одолжува.

Состанокот на делегациите заврши околу 10.45 часот по средноевропско време и нема да продолжи денеска, рече извор за руски медиум. Руската делегација го напушти хотелот во Женева, каде што се водеа преговорите со Украина со посредство на САД.

Изворот рече дека вториот ден од преговорите за Украина во Женева се одржал зад затворени врати, а портпаролот на украинскиот преговарачки тим објави дека преговорите траеле околу два часа, јавуваат агенциите.

Безбедносните мерки во хотелот „Президент Вилсон“ во Женева, каде што престојуваат членовите на руската делегација поради преговорите меѓу Русија, САД и Украина, беа зголемени, а полицијата и обезбедувањето беа на должност на влезот во хотелот.

Руската делегација ја предводеше помошникот на рускиот претседател, Владимир Медински, американскиот специјален пратеник на американскиот претседател Доналд Трамп, Стив Виткоф, и зетот на американскиот лидер, Џаред Кушнер, а украинската делегација ја предводеше шефот на кабинетот на украинскиот претседател, Кирил Буданов.