Отворен јавен повик: 10.000 денари субвенција за полагање возачки испит за младите во Ѓорче Петров

Општина Ѓорче Петров официјално го објави јавниот повик за доделување субвенции во износ од 10.000 денари за полагање на возачки испит, наменет за млади лица кои за првпат аплицираат.

-Со оваа мерка, општината продолжува со конкретна и директна поддршка на младите, овозможувајќи им полесен пристап до возачка дозвола – значаен чекор кон поголема мобилност, независност и подобри можности за вработување – се вели во соопштението од Општина Ѓорче Петров. 

Градоначалникот истакнал дека вложувањето во младите е клучен приоритет.

– Создаваме услови младите да напредуваат и да имаат еднакви можности за развој. Ова е инвестиција во нивната иднина, но и во иднината на целата заедница, рекол градоначалникот. 

Право на аплицирање имаат жители на општина Ѓорче Петров кои за првпат полагаат возачки испит, согласно утврдените критериуми.

Повикот е отворен, а сите заинтересирани можат да аплицираат согласно условите објавени на официјалната веб-страница на општината. https://opstinagpetrov.gov.mk/javen_povik_subvencioniranje_vozacki_2026/

Општина Ѓорче Петров, велат оттаму, останува посветена на политики што носат реални придобивки и директна поддршка за граѓаните.