Киву по победата над Рома: Интер покажува знаци на зрелост

Тренерот на Интер, Кристијан Киву, изрази задоволство по синоќешниот триумфот од 5:2 над Рома на домашниот натпревар од 31. коло од италијанското фудбалско првенство.

– Многу сум среќен со враќањето на Лаутаро Мартинез, среќен сум што го видов голот и асистенцијата на Маркус, среќен сум што го видов голот на Барела и среќен сум што го гледам Дензел Дамфрис како игра толку добро.
Пресвртницата, поради која сите на клупата славеа со страст, беше третиот гол на почетокот на второто полувреме. Тоа беше она што го баравме на полувремето – вистинскиот пристап веднаш од соблекувалната за да се заврши натпреварот и да се постигнат повеќе голови.
Разбирате што се случува на теренот, дека овој тим покажува знаци на зрелост. Во последните натпревари, имаше некои двоумења кога се обидовме да го задржиме резултатот, но не требаше. Вечерва излеговме во второто полувреме со вистинскиот менталитет, обидувајќи се да доминираме и да го завршиме натпреварот. Кога ќе ѝ дадете време и простор на Рома, тие се многу добри во наоѓањето простор и создавањето можности за своите напаѓачи. Се подобривме, почнавме почесто да се бориме за топката и беше многу добро второ полувреме, изјави романскиот фудбалски стручњак за „DAZN“.

Интер е на врвот на табелата во Серија А со 72 бода по 31 натпревар.