Белгија треба да размисли за враќање на задолжителната воена служба, вели висок армиски функционер

Во Белгија треба да се разгледа можноста за враќање на задолжителната воена служба, изјави раководителот на одделот за човечки ресурси во белгиските вооружени сили, генерал-потполковник Тиери Есер, цитиран од локалните медиуми.

Според него, пред сè, потребно е да се работи на тоа воената професија да стане привлечна, а враќањето на задолжителната служба е дополнителна можност за обезбедување на потребниот број војници.

Враќањето на регрутацијата е дел од нашите планови, прецизираше генералот. Според него, тоа не е прашање на избор, туку обврска наметната од геополитичкиот контекст.

Во ноември минатата година, белгиските власти испратија писма до 149.000 млади луѓе над 17 години, поканувајќи ги доброволно да се приклучат на вооружените сили за период од една година. Целта е да се привлечат 3.500 млади луѓе, од кои 500-те најсоодветни за обука ќе бидат избрани оваа година. Идната година, се очекува бројот на избраните да достигне 1.000, а по 2030 година – седум пати повеќе, прецизираа медиумите.