Телефонски разговор Шји Џјинпинг – Трамп

Кинескиот претседател Шји Џјинпинг и американскиот претседател Доналд Трамп денеска телефонски разговараа, но не е прецизирано која била темата на нивниот разговор, пренесе денеска кинеската телевизија ЦГТН.

Шји претходно денеска разговараше преку видео повик со рускиот претседател Владимир Путин за билатералната соработка и меѓународните односи.

Путин го нарече Шји „драг пријател“ и му посака мир и просперитет на кинескиот народ, нагласувајќи ги пријателските односи меѓу двете земји. Рускиот претседател нагласи дека Русија и Кина ќе се развиваат силно и прогресивно во сите области, без оглед на меѓународната ситуација.

Портпаролот на Кремљ, Дмитриј Песков изјави дека Москва била однапред информирана за планираниот разговор меѓу Шји и Трамп.