Култура
Битолска премиера на документарниот филм „Приказната за Силјан“
Македонскиот документарен филм „Приказната за Силјан“ вечер во НУ Центар за култура ќе приреди битолска премиера.
Од НУ Центар за култура-Битола најавија интерактивна филмска проекција во која веднаш по завршувањето филмот, членови на тимот ќе имаат можност да разговараат со публиката.
-Битолската премиера на „Приказната за Силјан“ ќе се одржи во големата кино сала, а наши гости ќе бидат режисерката Тамара Котевска, продуцентот Јорданчо Петковски и монтажерот Мартин Иванов кои ќе зборуваат за филмот кој е светски, а наш, македонски, најави Сашо Илковски, директор на НУ Центар за култура-Битола.
Македонскиот документарен филм „Приказната за Силјан“ на репертоарот во Битола ќе биде до сабота навечер.
февруари 5, 2026
