Синоќа на 72-годишна возраст почина актерот Љубе Терзијев, долгогодишен член на велешкиот театарски ансамбл, информираат од велешкиот театар „Јордан Хаџи Константинов-Џинот“.

Најмладиот член во библиотеката во Неготино има пет, а најстариот 78 години. Директорката на библиотеката, Катерина Данаилова сподели за МИА, дека адолесцентите најмногу читаат романси, возрасните пак трилери, а основците, едукативни книги и лектири.

Фондацијата за култура „Ангел Петров“ од Велес по повод 150 години од раѓањето на Гоце Делчев денеска ја отвори изложбата на портрети од Гоце Делчев, од академскиот сликар Ангел Петров.

Со традиционалната манифестација „Прличеви беседи“ од утре во Охрид почнуваат свеченостите и збиднувањата за одбележување на 129-годишнината од смртта на големиот охридски и македонски поет и преродбеник Григор Прличев.

Дигитализацијата се спроведува преку Центарот за култура „Марко Цепенков“. Се скенираат фотографии, плакати, исечоци од весници – големо богатство архивски материјал создавано од почетоците на Театарот, од 1950 година до 2000 година.

Во Делчево доделени благодарници за учесниците на Литературниот и Ликовниот конкурс кој се организира во рамки на настанот „Делчево во чест на Гоце„ како дел од одбележувањето на 150-годишнината од раѓањето на великанот Гоце Делчев.

Во издание на „Бата прес“ излезе од печат книгата за деца „Три случаи за детективот Виксон Чудински“ од познатиот италијански автор Лука Дониели. Илустрациите се на Никол Доналдсон, а делото од италијански на македонски го преведе Живко Гроздановски

Професорот Јамасаки Масафуми и Ичики Шигеказу ќе го споделат своето знаење за јапонските искуства на овие теми со учесниците на предавањето за Охридското Езеро.

Во рамки на тековното работење на Музејот на град Неготино, во тек е документацијата на движниот археолошки материјал и на предметите од доцноантичкиот и рановизантискиот период – тегови или ексагии пронајдени на археолошки локалитети во општина Неготино.

Во фоајето на Народниот тетар во Гевгелија, во организација на Домот на културата и ансамблот „Македонија“ од Скопје, денеска беше отворена изложбата насловена „Скопје со културните добра“.