– Техничка влада се укинува, технички премиер се укинува, а на сто дена пред истекот на мандатот на владата коалиционите партнери СДСМ и ДУИ, на предлог на ДУИ, ќе го постават премиерот. Тој ќе ја води владата во последните 100 дена од редовниот мандат, рече Заев.

Многу сум убеден дека оваа коалиција, ова партнерство за уште четири години ќе биде најуспешното, изјави претседателот на ДУИ Али Ахмети, по денешната средба со лидерот на СДСМ Зоран Заев, на која беше постигнат договор за парламентарно мнозинство и владина колаиција.

Лидерот на СДСМ рече дека особено им било важно постигнување на брз договор за владина коалиција поради потребата за брзо ставање во целосна функција на клучните институции во државата, а со цел справување со здравствените и со сите други предизвици поврзани со Ковид-19.

Министерот за здравство Венко Филипче денеска на прес-конференција соопшти дека утре продолжуваат состаноците и веројатно в четврток ќе биде донесена дефинитивна одлука за функционирање на градинките.

Учебната 2020/2021 ќе почне со онлајн-настава освен за учениците од прво до трето одделение и во училишта со помал број ученици и паралелки во средини со стабилна епидемиолошка состојба, за што општините ќе добиваат согласности од Владата.

Позната и веќе мрачна фраза „на есен“ во објаснување на полошото ковид-сценарио што не очекува, доаѓа за само еден месец. За ова министерот Венко Филипче минатата недела најави 16 монтажни болници. Но до каде се? Поставени ли се веќе и каде? Конкретен одговор нема, затоа што и монтажните болници ги нема.

Ова денеска на прес-конференција го истакна министерот за здравство Венко Филипче, кој апелира да бидеме одговорни, да се почитуваат мерките, бидејќи е тоа единствен начин да се избегнат овие лоши сценарија.

Дел од медиумите пренесуваат дека советникот на ДУИ, Нефи Усени денеска во Охрид со кундак нападнал и претепал негов сограѓанин од Охрид пред очите на неговиот 14 годишен син.

- Заедно со ДУИ договоривме да биде укината техничката, пржинската влада а тие да бидат дел од владата со прв човек во неа на 100 дена пред крајот на мандатот, истакна Заев.

Заев објави исто така дека нивниот денешен договор треба да го потврдат највисоките тела на партијата.