Фудбалскиот сојуз на Албанија во саботата побара од албанската Влада „правно да интервенира“ и да не дозволи екстрадирање на Морина во Србија.

Шефот на српската дипломатија Ивица Дачиќ изјави дека единствено трајно решение во дијалогот со Косово е разграничување на тоа што е српско и тоа што е албанско.

Судот во косовскиот град Гњилане го ослободи Лирим Јакупи – Нацист, член на герилските групи на етничките Албанци во Косово, Македонија и во Србија, осуден за нападот врз македонската полиција во Тетово во 2004 и на полицијата во Скопје во 2014.

Српскиот претседател Александар Вучиќ денеска порача дека опозицијата може слободно „да се окрупнува“, но дека ќе губи се додека тој самиот не се тргне од политиката.

Црногорското собрание вчера ја усвои измената на законот за данок на додадена вредност, со кој ДДВ од 19 се зголемува на 21 отсто.

Бугарското Народно Собрание денеска едногласно усвои Декларација за поддршка на потпишувањето на Договорот за пријателство, добрососедство и соработка меѓу Бугарија и Македонија.

Грчката полиција уапси еден руски државјанин под обвинение дека е „мозокот“ на мрежата за перење пари со помош на виртуелната валута биткоин, преку која се претпоставува дека се „испрани“ најмалку четири милијарди долари.

Потпишувањето на Договорот за добрососедство меѓу Македонија и Бугарија претставува позитивен чекор напред за Балканот, изјави денеска американскиот амбасадор во Софија, Ерик Рубин по средбата со бугарскиот премиер Бојко Борисов.

Бугарската Влада денеска го одобри Меморандумот за соработка меѓу министерствата за транспорт на Бугарија и на Македонија за развој на железничкиот сообраќај меѓу двете земји.

Владата на Република Бугарија на денешната редовна седница го одобрила текстот на договорот за пријателство, добрососедство и за соработка со Република Македонија, соопшти прес-службата на бугарската влада.