Комисијата која го истражува бунтот во Капитол ги издаде првите покани за испрашување до соработници на поранешниот американски претседател Доналд Трамп. Се работи за Марк Медоус, поранешен висок администратор во Белата куќа и Стив Банон, поранешен советник на Трамп

Заедничка декларација потпишаа денеска лидерите од Централна Европа во Будимпешта, во која се наведува дека имиграцијата не треба да биде одговор на намалениот наталитет во Европската унија. Истовремено, лидерите ја повикаа ЕУ да ја задржи семејната политика под национална јурисдикција.

Европската агенција за лекови (ЕМА) денеска го одржа својот редовен брифинг за новинари и потврди дека на почетокот на октомври ќе излезе со дефинитивен став за потребата од трета доза вакцина против Ковид-19, јави дописничката на МИА од Брисел.

Министерството за одбрана во Тајван предупреди 19 кинески авиони дека влегле во зоната за воздушна одбрана на Тајпеј, што се најнови во серијата тензии во Тајванското Море.

– „Економист“ ја повика директорката на Меѓународниот монетарен фонд, Кристалина Георгиева, да се повлече од функцијата поради нејзината улога во скандалот со манипулации со податоци поврзани со Кина, додека таа се уште беше во Светската банка.

Турскиот претседател Реџеп Тајип Ердоган денеска изјави дека врските на Турција со САД не се добри и дека Вашингтон мора да ги „поправи“ работите околу тоа што Анкара купила руски одбранбени системи С-400, објави телевизијата Хабертурк.

Ќе треба време да се излезе од кризата меѓу Франција и САД, и тоа ќе бара акција, изјави денеска во Њујорк францускиот министер за надворешни работи Жан-Ив Ле Дриан.

Италијанската Влада денеска вети дека ќе им помогне на граѓаните да ги платат сметките за електрична енергија и гас до крајот на годината, приклучувајќи им се на европските земји кои се обидуваат да го намалат товарот од зголемувањето на цените на енергијата.

Американската компанија Новавакс и нејзиниот партнер индискиот Серум институт ја пријавија својата вакцина против Ковид-19 за итно одобрување од Светската здравствена организација.

Русија почна со подготовки за испраќање човек на Месечината и веќе се издвоени средства за овој проект, се наведува во документот објавен од „Роскосмос“.