„Владата на Руската Федерација во рок од два дена да направи список на странски земји кои вршат непријателски дејствија против Руската Федерација, руските правни и физички лица“, се вели во соопштението.

Американската мултинационална компанија за платежни услуги Visa објави дека ги прекинува операциите во Русија.

Функционерот не ја откри точната локација на бродот, но истакна дека не е рутина да се оперира во најсеверните води на Егејското Море. Областа е релативно ограничена за операции на превозници поради бројот на мали острови и тешкиот комерцијален поморски сообраќај, пренесува Си-Ен-Ен.

Италијанската финансиска полиција заплени вили, куќи и јахти во вредност од 143 милиони евра (повеќе од 150 милиони американски долари) од пет руски олигарси, соопшти денеска полицијата.

Градот Бородјанка, близу Киев, речиси целосно е униптен, изјави вечерва регионалниот гувернер Олексиј Кулеба.

Руските сили спроведуваат широка офанзива во Украина и зазедоа неколку градови и села, соопшти руското Министерство за одбрана, додавајќи дека офанзивата на Мариупол продолжува.

„Обвинувајќи ја Украина за прекршување на договорот, Русија најверојатно се обидува да ја префрли одговорноста за сегашните и идните цивилни жртви во градот“, се вели во соопштението на британското Министерство објавено на Твитер.

Народните прелиминарни избори, граѓанска иницијатива која ја поддржа Кристијан Тобира на претседателските избори, пред таа да се откажe поради недоволен број на потписи за кандидатура, денеска најави „поддршка и кампања“ за „Народната унија“ на Жан-Лук Меланшон, јави дописникот на МИА.

Украинскиот министер за надворешни работи Дмитро Кулеба за време на денешното телевизиско обраќање рече дека неговата земја бара посилни санкции против Русија.

Европската унија мора целосно да се ослободи од зависноста од Русија за гас, нафта и јаглен преку диверзификација, енергетска ефикасност и енергетска транзиција. Ова го изјави претседателката на Европската комисија Урсула фон дер Лајен на прес-конференција во Мадрид.