Близу 300 понуди за учество на јавниот повик за давање под закуп на земјоделско земјиште во државна сопственост до три хектари пристигнаа во Министерството за земјоделство, шумарство и водостопанство (МЗШВ), заклучно со вчерашниот ден, информираат од МЗШВ. Рокот за поднесување понуди за учество на јавниот повик заврши вчера.

Секој корисник има право предвреме, кога сака, целосно или делумно да го врати банкарскиот потрошувачки кредит. Притоа, според Законот за потрошувачки кредити, точно се знае колку банката може да го „напенали“.

Во ноември годинава се издадени 292 одобренија за градење, што е за 27,5 проценти повеќе во однос на ноември 2017 година.

Од второто тримесечје годинава граѓаните ќе можат да си го следат својот предмет за приватизација на градежното место од дома, истакнале на денешната средба министерот за финансии, Драган Тевдовски и директорката на Управата за имотно правни работи Шасине Касами.

Пораст на домашниот бруто-производ (БДП) во Македонија од 2,9 отсто во 2019 година предвидува Светската банка во најновиот јануарски извештај, што е сигнал дека тешко ќе се остварат најавите на Владата дека годинава ќе биде економска година.

Следниот месец ќе биде објавен тендер за изградба на првата делница од автопатот Скопје-Блаце, а градежните работи се очекува да стартуваат во вториот квартал годинава, објавија денеска на прес-конференција вицепремиерот за европски прашања Бујар Османи, министерот за транспорт Горан Сугарески и директорот на ЈП за државни патишта, Зоран Китанов.

Почеток на изградбата на делницата Стенковец – Блаце од автопатот Скопје – Блаце ќе биде најавен денеска на прес-конференција во владиниот Секретаријат за европски прашања.

Групацијата на пазари при Стопанската комора на Македонија смета дека е потребно да се одложи или целосно да се укине Законот за трговија на зелени пазари врз работата на организаторите на пазарите кој е во примена од почетокот на годинава.

За три недели односно на 29-ти овој месец истекува рокот за поднесување на барања за мерката 3 во делот на ИПАРД програмата „Инвестиции во материјални средства за преработка и маркетинг на земјоделски и рибни производи“. Рокот за поднесување на барања за мерката 1 „Инвестиции во материјални средства на земјоделски стопанства“ истекува на 9-ти февруари.

Даночните обврзници кои во претходната календарска година оствариле вкупен оданочлив промет од вршење стопанска дејност повисок од милион денари имаат обврска да поднесат Пријава за регистрација за целите на данокот на додадена вредност (образец ДДВ-01) најдоцна до 15. месецов, соопшти денеска Управата за јавни приходи (УЈП).