Општина Тетово денеска започна со поставување нов асфалт на три улици, а градоначалничката Теута Арифи го означи како почеток на период на реконструкција поголем број улици.

Денеска се асфалтираше на улиците „Боро Вулиќ“, „Андреја Стојановиќ“ и „103“ во вкупна должина од 500 метри или 2500 метри квадратни.

-Тоа се три улици од каде се излегува на булеварот „Илинденска“ од зад гимназијата ќе успееме да го реасфалтираме имајќи го предвид фактот дека овој дел има канализација која е во функција и немало потреба од други инвестиции освен нов асфалт. Од овој тип на работа ќе има на повеќе делници во градот, тенденцијата е да го користиме овој период на пролетта да реконструираме што е можно повеќе улици во градот. Улица „Струшка“ е сработена на истиот начин како оваа улица и исто така ќе има реконструкција на целото градско подрачје, истакна градоначалничката Арифи.

Според неа, реконструкција на една од најдолгите и најоштетени улици „Гоце Делчев“ ќе следува кога ќе заврши обновата на улицата „Ѓоце Стојчевски“.

-Улицата „Гоце Делчев“ е во иста програма со улицата „Ѓоце Стојчевски“. Истата програма е што оди преку Светска банка што оди во соработка со Министерствот за транспорт и врски. Истата компанија ги има двете улица да ги одработи, откако ќе заврши во делот каде што работи ќе се префрли во „Гоце Делчев“, рече Арифи.

Во Тетово е во тек финалната фаза од реконструкцијата на тротоарите на булеварот „Илирија“ (Маршал Тито), каде се поставува урбана опрема, што Арифи оценува дека ќе се заврши во текот на следните недели.


Администратор
08/05/2021 17:46