Дури една година по Ковид кризата, Ресен ќе добие модуларна ковид болница

Привршуваат последните подготовки за ставање во употреба на тријажната модуларна амбуланта во Ресен, каде ќе бидат лекувани пациенти позитивни на Ковид – 19.

Директорката на Здравствен дом Ресен, Сања Андоновска информира дека направено е примопредавање на објектот од страна на изведувачот и оти ги прават последните подготовки за деновиве да го стават во функција.

– Привршуваме со подготовките. Потребни се уште неколку финеси и деновиве ќе ја ставиме во употреба тријажната амбуланта наменета за пациенти со Ковид-19, рече Андоновска.

Модуларниот тријажен центар, како што истакна, располага со тријажна амбуланта, простории за дијагностика и за дневна терапија.

– Во тријажната амбуланта ќе се вршат сите лабараториски услуги, ќе се прават тестови и рендген снимања. Има и кревети каде пацинетите со коронаиврус ќе примаат терапија и просторија за предизолација, појасни Андоновска.

Состојбата со коронавирусот во Преспанскиот регион, според директорката, е драстатично подобрена. Последните денови се регистрира по еден новозаразен, а намален е и бројот на хоспитализирани пациенти.