Благ пораст на заболени од КОВИД-19 во Куманово

Благо зголемување на бројот на хоспитализирани лица од КОВИД- 19 бележи Кумановската болница изминативе денови, информираше денеска директорката на болницата, Снежана Захариева.

Во два пункта, вклучително и пациентите кои се лекуваат амбулантно има 50 хоспитализирани.

– Денешниот биланс е 50 хоспитализирани во вкупно два пункта, за разлика од пред две-три недели кога имавме видно намалување сега имаме благ пораст на заболени од КОВИД- 19. Ќе апелирам да не се опуштаме и да ги почитуваме мерките затоа што последнава недела веќе има и пациенти со потешка клиничка слика, изјави Захариева.

Таа не ја исклучува можност да има случаи на заболени од британскиот сој, иако, од официјалните институции нема регистрирано.

– Куманово е голем град, на таква позиција, во близина на гранични премини, верувам дека и кај нас е присутен, изјави Захариева.