Состојбата е катастрофална и нема зборови кои што ќе можат тоа да го ублажат, да го разубават или владини мерки какви што не се носат а кои што ќе можат да ја подобрат ситуацијата. Значи Македонија прво има најмногу починати на еден милион жители на Балканот, никој не е полош, меѓу најлошите сме во Европа, а последните неколку недели сме најлоши во Европа никој друг не е полош од нас и тоа граѓаните го плаќаат со нивните животи, вели Владимир Ѓорчев поранешен пратеник и член на ИК на ВМРО-ДПМНЕ во утринската емисија на ТВ Алфа „Добро утро, секое утро“.

Според Ѓорчев, премиерот и министрите целосно потфрлиле во справување со здравствената, но и економската криза посочувајќи дека секојдневно има губење на работни места и дека граѓаните живеат се потешко.

Имаме влада, премиер и министри кои што тотално потфрлија кои што имаат фијаско. Македонија се наоѓа во најголемата рецесија последните 30 години, и официјално во која што десетици илјади луѓе губат работни места во која што се затвораат бизнис, каде што се потешко се живее, каде што буквално имаме катастрофа, додаде тој.

Во однос на економската криза, Ѓорчев нагласи дека и во 2008 и 2009 година се случило криза во светски рамки, но тогаш и покрај кризата имало плати и за вработените и за пензионерите, како и за изградба ана автопати, на сали, но како што рече состојбата во Македонија никогаш не била полоша а граѓаните го плаќаат со нивните животи.

Би потсетил во 2008, 2009 година имаше исто ваква криза во светски рамки, тоа беше задолжничка криза, каде што Македонија ја помина речиси без да ја осети. Тогаш имаше и за плати, и за пензии, и за рати, за градење на автопатишта, и на спортски сали и на се останато. Но, сега немаме ништо, еден километар автопат немаме изградено. Значи ако ги сумираме сите овие прашања се доаѓа до еден јасен заклучок а тоа е дека состојбите во Македонија не биле никогаш полоши, дека имаме фијаско на владата, дека имаме не снаоѓање кое што за жал граѓаните го плаќаат буквално со нивните животи, изјави тој.

Ѓорчев, коментирајќи ги изјавите на Венко Филипче, посочи дека додека тој прогнозирал бројот на заболени за цела пандемија да биде 2000 и 200 починати, сега неделно имаме 2000 заболени и 200 мртви.

Македонија оваа недела се движи околу 1000 починати. Филипче кажа 2000 заболени и 200 мртви, а ние сеа неделно имаме 2000 заболено и 200 мртви, значи неделно, порача Ѓорчев.

Ѓорчев смета дека доколку Македонија беше успешна како другите земји од опкрожувањето како Албанија, Косово, Србија, Бугарија, Црна Гора немаше да има на два милиона жители 1000 починати.

Луѓето велат дека секаде има мртви, да така е. Но, една работа е кога Македонија со два милиони жители има 1000 мртви, а друго е кога Грција со десет милиони жители има 300 мртви, гледате ли која е дискрепанцата. Ако Македонија беше онолку успешна како што беа Албанија, Косово, Црна Гора, Србија, Бугарија значи земјите од опкружувањето, да во Македонија ќе имаше починати ама не 1000, рече Ѓорчев.

Ѓорчев истакна дека потфрлањата на владата се бројни, бидејќи како што рече тој во моментот се случува и друга здравствена криза бидејќи целосно се запоставени пациентите со други болести што значи целосно фијаско на здравствениот систем.

Потфрлувањата се бројни и не е само во врска со ковидот. Паралелно со корона кризата на нас ни се случува една друга здравствена криза, а тоа е целосно запоставување на пациентите кои што имаат други болести. Значи ковидот и корона вирусот е изговорот, тоа е покривањето, но истовремено ние имаме фијаско на целиот здравствен систем затоа што имаме неорганизираност на владата. Првите месеци имавме здравствени работници кои што одеа на прва линија на фронтот, со маска за еден ден, или каде што нема скафандери, немаа заштитна опрема, додаде тој.

Со почит, Центар за комуникации на ВМРО-ДПМНЕ


Администратор
30/10/2020 13:36