САД воведоа нови санкции на Иран, насочени кон нафтениот сектор

Соединетите Американски Држави воведоа нови санкции против Иран, кои главно се насочени кон нафтениот сектор во земјата, вклучувајќи го и иранското Министерство за нафта.

Во соопштението на Министерството за финансии на САД се вели дека се воведени санкции за клучни актери во иранскиот нафтен сектор, за давање поддршка на елитната странска паравоена шпионска организација која работи за Исламската револуционерна гарда, која е на црната листа на САД.

Меѓу лицата и институциите санкционирани од Вашингтон се иранскиот министер за нафта, Националната иранска нафтена компанија и Националната иранска танкерска компанија, како и четири лица обвинети од Министерството за финансии на САД за учество во неодамнешната продажба на ирански бензин на Владата на Николас Мадуро во Венецуела.

Тензиите меѓу Вашингтон и Техеран се интензивираа откако Трамп еднострано ги повлече САД од иранскиот нуклеарен договор во 2015 година.