Пановски: Нелогично е децата да седат дома, а хронично болните да одат на работа

Денеска врие по одлуката на Владата да ги врати хронично болните, родителите и оние од продолжено породилно на работа. За лекарите е целосно нелогична одлука.

- Нелогично е тоа што децата ќе седат дома и нема да одат во училиште а хронично болните ќе одат на работа, изјави за Алфа микробиологот Никола Пановски.

И самохраните родители се нервозни:

-Ако еден од оние кои ја донесоа одлуката и кои вака им пресудија на родителите…и ако успее да биде на две места во исто време – нека се пријави да му честитаме и да не научи како треба да се поделиш физички и да бидеш на две места, вели Дороти Пачкова од здружението на самохрани мајки „Една може!“.

Мајките на продолжено породилно боледување најавија протест во четврток пред Влада.