Мицкоски:Со моето одење во ресторан не заразив никого за разлика од неспособната власт која не знае да го штити здравјето на граѓаните

Претседателот на ВМРО-ДПМНЕ Христијан Мицкоски на својот фејсбук профил излезе со коментар во врска со обвинувањата кои беа упатени на негова адреса дека седел во затворен ресторан во Дебар Маало.

- Човечки е да се згреши, и не сум лицемер кој едно говори пред камерите, а друго зад нив. Сакам да демантирам, дека имав било каков контакт со било кој од државната инспекција или органите на државата. Тоа се измислици за да се потхрани дефокусирањето на јавноста.

- И да бидам искрен, овој мој човечки грев, сметам дека е многу помал од состојбата која денес се случува врзана со губењето на животи и неодлучноста на владата која го загрижува здравјето на сите.

Денес вистинската тема е што имаме 101 ново заразен и 4 починати. Власта сака да продаде приказна за да ја скрие вистината за себе, и фактот дека моето одење во ресторан не зарази никого, но нивната неспособност и СДСМ кластерот, да.

Ако некој имаше дилема, сега е повеќе од јасно, кристално јасно дека власта и параполициските сили диригирани лично од Зоран Заев ме следат. И треба да знаат, Македонија не заборава, а сите тие ќе бидат поразени!, стои во неговиот пост на Фејсбук.