Министерката за правда Рената Дескоска вели дека не треба да има дилеми за спроведување на препораките од Венецијанската комисија, но тоа ќе биде сторено откако Комисијата ќе го даде своето официјалното мислење.

-Мислам дека не треба да има никакви дилеми или дебати дали ќе се имплементираат или нема да се имплементираат препораките. Со самото тоа што сите сме се согласиле да испратиме цел закон плус неусвоениот член на Венецијанска комисија сме се согласиле дека препораките ќе ги земеме сериозно, ќе ги разгледаме и ќе ги имплементираме, рече Дескоска.

Премиерот Зоран Заев денеска рече дека Владата побара одложување на конечното мислење на Венецијанската комисија во врска со Законот за употреба, за да имаат време да ги анализираат забелешките на Комисијата изнесени во драфт верзијата и да одговорат на нив. Во секој случај, рече, конечниот став и мислење на Комисијата може да се очекува до крајот на годината и Владата се обрзува дека ќе го примени.

– Владата тоа го побара заради времето потребно да ги изанализираме нивните аргументации и да ги дадеме нашите ставови и рековме ќе го чекаме конечното мислење. Ние информиравме дека драфт верзијата е доставена до нас, ни треба време да ги видиме анализите, затоа што Венецијанската комисија своите ставови ги поткрепува со аргументации, европски правила и норми и европска пракса, но исто така го анализира нашиот систем што може капацитетно да носи. Така што мерењето на добивањето на правда наспроти правото на употреба на јазикот, ако го загрози она првото тогаш прашање е дали им треба на граѓаните, рече Заев одговарајќи на новинарско прашање на прес-конференција во Владата.


Администратор
09/10/2019 23:12