Соработката со ЕУ, инструментите за помош што Унијата ги нуди во фазата на пристапните преговори, како и начинот на кој што се води целиот процес на пристапување во рамки на македонското општество, се темите за кои денеска во Блед говореше министерот за одбрана Оливер Спасовски на панелот посветен на „Безбедноста и владеењето на правото преку обновена ЕУ перспектива“.

Како што соопшти МВР, министерот Спасовски на 13-тиот по ред “Бледски стратешки Форум 2018“ презентирал дел од низата активности што македонското МВР ги започна и ги реализира во овој период, притоа нотирајќи три клучни приоритети - реформата на системот на следење на комуникациите, зајакнување на капацитетите за борбата против организираниот и сериозен криминал, како и зајакнување на капацитетите во борбата против нелегалната миграција.

Спасовски го истакнал и настојувањето на Владата на Република Македонија за реформскиот процес да почива врз целосна општествена инклузија буквално на сите општествени чинители, независно од која сфера доаѓаат. Тој ги потенцтирал и максимална транспарентност и сеопфатно информирање за сите аспекти на процесите на скрининг, на преговарање, на реформирање.


Администратор
11/09/2018 19:21