9 денa до стартот на СП во Русија: Светскиот рекорд на Ирматов

FIFA 2018 Светското првенство во Русија е се поблизу – само 9 денa до самиот старт!

Во меѓувреме, до почетокот на Светското првенство, секој ден одблиску ќе погледнеме различни статистички податоци од историјата на првенството.

9 натпревари на фудбалските светски првенства беа судени од страна на Узбекистанецот Равшан Ирматов, повеќе од било кој друг судија во историјата на првенствата. За прв пат тој беше одговорен за време на натпреварот со кој се отвори светското првенство во 2010 година меѓу домаќинот Јужна Африка и Мексико. Следеа уште четири натпревари на истото првенство, вклучувајќи го полуфиналето меѓу Холандија и Уругвај, пред Ирматов да додаде уште четири натпревари на неговиот вкупен број во Бразил 2014, со што се најде пред Французинот Жоел Киноу, Мексиканецот Бенито Архундиа и Уругваецот Хорхе Ларионда, кои имаат судено на по осум натпревари на светските првенства, поединечно.

Ирматов стана судија на ФИФА во 2003 година и од тогаш, неговата способност и авторитет на теренот континуирано се подобруваат. Покрај светското првенство, тој судеше и на четири финалиња во Азиската лига на шампиони, две финалиња на клупското фудбалското светско првенство и едно финале на Азискиот куп, како и безброј други големи натпревари кои ги досудил со смиреност и доверба. Равшан ќе ја има можноста да го надгради својот рекорд во Русија со оглед на тоа дека е ставен на листата на судии за фудбалското светско првенство во 2018.