Косовскиот претседател Хашим Тачи денеска имал телефонски разговор со генералниот секретар на НАТО Јенс Столтенберг, кого, како што вели, го информирал за процесот на трансформација на Заштитните сили (ФСК) во војска на Косово, јави дописникот на МИА од Приштина.

Харадинај за дијалогот меѓу Косово и Србија истакна дека би било редно претседателот Хашим Тачи, кој во неделата во Брисел се сретна со српскиот колега Александар Вучиќ, да поднесе извештај пред пратенициите за текот на преговорите.

Грчкиот министер за надворешни работи Никос Коѕиас, порача дека дискусиите во ЕУ се водат помеѓу земјите кои сакаат старт на преговори со Македонија до летото 2019 и оние кои сакаат тоа да биде уште подоцна.

Советникот на косовскиот претседател Хашим Тачи, Беким Чолаку, тврди дека оптимален рок за постигнување на договорот Белград - Приштина е шест до осум месеци, објави „Коха диторе".

Пратеникот Јоргос Лазаридис, денеска соопшти дека си заминува од неговата партија Независни Грци. Причините за оваа одлука официјално не се познати, но грчките медиуми шпекулираат дека Договорот за името е главната причина Лазаридис да стане независен пратеник.

Договорот меѓу Грција и Македонија ќе биде целосно реализиран. Со спречувањето за влез на Поранешната југословенска Република Македонија во ЕУ се минира договорот, изјави пратеничката на СИРИЗА во Парламентарното Собрание на Советот на Европа (ПССЕ), Атанасиа Анагностопулу.

Косовската полиција информира за инцидент во етнички мешаната населба Суви Дол во Северна Митровица, во кој од огнено оружје е рането 21-годишно момче од српска националност, јавува дописникот на МИА од Приштина.

Учениците во Грција, во училиштата, нема да можат да користат мобилни телефони, таблети, игри или кои било други електронски уреди што поседуваат систем за обработка на слика или звук.

Косовскиот претседател Хашим Тачи вели дека мирот меѓу Белград и Приштина е неизбежен и дека целта на помирувањето е „постигнување дефинитивен договор кој ќе биде од корист за двете страни".

Ако сакаме трајно решение за Косово тоа не може да се заснова Србија да ја признае независноста. Забележливо е дека Приштина нема волја да постигне компромис, изјави денеска министерот за надворешни работи на Србија, Ивица Дачиќ.