Европската унија ќе додели околу 30 грантови во висина од по 50.000 евра за проекти за развој на туризмот во шесте економии од Западен Балкан, беше наведено на денешната конференција за промовирање на проектот за „Развој на туризмот во земјите од регионот“ во Сараево.

Шефот на грчката дипломатија Никос Коѕијас, денеска изрази уверување дека Договорот од Преспа ќе биде ратификуван во грчкиот Парламент од мнозинството пратеници, јави дописничката на МИА од Атина.

Триесетиосумгодишна мигрантка од Јордан беше уапсена денеска во Белград под сомнение дека заразила со ХИВ неколку лица, пишува весникот „Блиц“.

Директорите на јавните сервиси на шесте земји од Западен Балкан - од Македонија, Албанија, БиХ, Косово, Црна Гора и Србија, потпишаа денеска во Тирана Меморандум за разбирање, со што се отвора патот за нивна соработка во рамки проект на ЕУ вреден 1,5 милиони евра.

Раководителите на шест национални медиумски јавни сервиси од Западен Балкан (РТСХ, БХРТ, РТК, МРТ, РТЦГ, РТС) денеска во Тирана потпишаа Меморандум за разбирање, кој отвора пат за нивна соработка на проект поддржан од ЕУ вреден 1,5 милиони евра.

Ми имаат испратено куршуми и кутии полни со крв и почва полеана со крв и закани кон мене и моето семејство, откри министерот за надворешни работи на Грција, Никос Коѕијас во интервју за грчкото радио „Њуз247“.

За „грчкиот карактер на Македонија“ и против Договорот од Преспа, граѓаните во Солун вчера одржаа протест пред Министерството за Македонија и Тракија.

Префектурите и општините од северниот дел на Грција бараат да се распише референдум во земјата за Договорот од Преспа, „за да им се даде на граѓаните законското право да го одобрат или отфрлат“.

Лидерот на албанските опозициски демократи Љуљзим Баша доби кривична пријава од координаторот на пратеничката група на владејачката Социјалистичка партија, Таулант Бала, поради клевета.

Албанскиот претседател Илир Мета, реагираше по одлуката за одложување на почетокот на преговорите со ЕУ за јуни следната година, повикувајќи ги сите политички партии на концентрација, одговорност и соработка, за да го положат, како што изјави, испитот следниот јуни.