Годишната дозволена квота во Црна Гора за вработување странци изнесува 18.000 лица. Директорот на Заводот за вработување на Црна Гора, Суљо Мустафиќ истакна дека се веќе остварени половина од дозволените вработувања на странски државјани - над 9.170 лица.

Амбасадорката на Европската унија во Тирана, Романа Влахутин изјави дека до јуни 2019 година, кога се очекува датум за почеток на преговорите за членство на Албанија во ЕУ, Тирана има голем предизвик поврзан со политчкото единство и забрзувањето на реформите.

Продолжува серијата летни бури што го зафатија Балканот - српскиот Хидрометеролошки завод за денеска прогласи тревога во најголемиот дел од земјата, освен во Војводина.

Украинскиот претседател Петро Порошенко утре ќе престојува во официјална посета на Србија, информираа од кабинетот на српскиот претседател Александар Вучиќ.

Министерот за трговија, телекомуникации и туризам и лидер на Социјалдемократската партија на Србија, Расим Љајиќ, во авторскиот текст за весникот „Курир“ истакна дека во решавањето на косовското прашање нема да му наштети доколку има „повеќе реализам, а помалку популизам“.

Различните позиции во однос на Договорот од Преспа беше капката што ја прелеја чашата и грчката партија Река реши да ја напушти коалицијата Движење за промени.

Американскиот амбасадор во Србија, Кајл Скoт денеска изјави дека дијалогот Белград - Приштина треба да влезе во поинтензивна фаза и изрази надеж дека компромисот ќе биде постигнат „можеби дури и годинава“.

Со судири меѓу полицијата и демонстрантите завршија вчерашните протести во Солун и Атина против Договорот од Преспа. Во грчката престолнина беа уапсени три лица, а едно беше повредено. За денеска пак, во Солун е закажан нов собир.

Претседателот на Стопанската комора на Србија Марко Чадеж е избран за претседател, а претседателот на Стопанската комора на Македонија Бранко Азески за заменик-претседател на Коморскиот инвестициски форум на Западен Балкан (КИФ) со седиште во Трст.

Како што јави дописникот на МИА од Приштина, Тачи најави дека во текот на оваа недела ќе се сретне со институционалните и партиските лидери, со цел да формира преговарачки тим, стратешки тим и други комисии за финалната фаза на дијалогот со Србија.