Претседателот на Косово, Хашим Тачи го одликува денеска со Претедателскиот јубилеен орден за десетгодишнината од независноста, посмртно, поранешниот претседател на Фудбалската федерација на Косово Фадиљ Вокри, јави дописникот на МИА од Приштина.

Во хотелот „Унион“ во центарот на Љубљана денеска изби пожар поради што се евакуирани стотина луѓе, соопшти словенечката полиција.

Министерството за градежништво, транспорт и инфраструктура на Србија во првите шест месеци од годинава искористи речиси половина од вкупно планираните буџетски средства за инфраструктурни проекти во 2018 година.

Албанската национална агенција за храна запленила два контејнера со пилешко месо увезено од Бразил. Станува збор за 50,2 тони месо, кај кое по извршените анализи на земените мостри било утврдено присуство на високо ниво на салмонела.

Взаемно почитување на територијалниот интегритет и суверенитет на Србија и на Украина, како и економската соработка и евроинтеграциите беа во фокусот на разговорите во Белград меѓу српскиот претседател Александар Вучиќ и неговиот украински колега Петро Порошенко.

За Договорот постои мнозинство пратеници во Парламентот, според она што самите го имаат изјавено, вели министерот за надворешни работи на Грција, Никос Коѕијас во интервју за грчкото радио „Сто Кокино“ и одби да ги коментира ставовите на коалициониот партнер во владата, Панос Каменос.

Домаќинот, албанскиот премиер Еди Рама во своето обраќање оцени дека и најголемите скептици денес може да видат дека зачленувањето на Црна Гора во НАТО придонело во зацврстувањето на стабилноста во регионот.

Владата ќе се држи до она што го предвидува Договорот, а желба е да постои најголемо можно парламентарно мнозинство, коментираат од Кабинетот на грчкиот премиер Алексис Ципрас во однос на Договорот со Македонија.

Во услови кога несогласувањата меѓу Хрватска и Словенија околку Пиранскиот Залив се уште не се надминати, на повидок е нов спор меѓу двете земји - овој пат поради фарма за школки.

Грчкиот народ треба да одлучи за Договорот од Преспа, преку избори или референдум, во случај да не се ратификува со 180 пратеници во Парламентот, порача Панос Каменос, министер за одбрана на Грција, лидер на Независни Грци и коалициски партнер во грчката Влада.