Косовскиот премиер, Рамуш Харадинај изјави дека утре Европската комисија ќе го објави извештајот во врска со исполнувањето на последниот критериум за визна либерализација за Косово и дека е оптимист дека тој извештај ќе биде позитивен, јавува дописникот на МИА од Приштина.

Нашата позиција е јасна и опфаќа две работи или 180 пратеници или народот, вели потпретседателот на Независни Грци, Панајотис Згуридис, во однос на ратификацијата во грчкиот Парламент на Договорот од Преспа.

Смешни се тврдењата дека стотиците илјади Грци на протестите против Договорот од Преспа беа поттикнати или платени од мрачни руски интереси, коментираат од Нова демократија.

Можеби граѓаните кои на протестите говореа за предавства и создадоа тензии и не се толку чисти патриоти, можеби и зеле нешто, вели директорот на пратеничката група на СИРИЗА, Костас Захариадис во интервју за радиото на грчката новинска агенција, „Практорио 104.9 ФМ“, во однос на случајот со активностите на руските дипломати во северна Грција и информациите за обиди за поткуп.

На покана на албанскиот претседател Илир Мета, в четврток во Тирана ќе престојува неговата хрватска колешка, Колинда Грабар-Китаровиќ.

Албанските емигранти во првиот квартл од годинава на своите семејства во Албанија им испратиле осум отсто повеќе средства споредено со истиот период лани.

Словенија се наоѓа пред можност за одржување предвремени парламентарни избори откако демохристијанската партија Нова Словенија (НСИ) се повлече од преговорите за формирање нова Влада.

Протерувањето на двајца руски дипломати од Грција и наодите за инволвираност на бизнисмени, црковни и други лица кои работеле на поништување на Договорот меѓу Грција и Македонија „е само врв на ледениот брег“, оценува грчкиот неделник и портал „Athens voice“.

Косовското Здружение на трговците со овошје и зеленчук смета дека одлуката на Министерството за трговија и индустрија на Косово за привремената мерка за зголемување за 30 отсто на царината на повеќе земјоделски производи кои влегуваат во Косово, е дискриминирачка и неправедна, јави дописникот на МИА од Приштина.

Бугарскиот патријарх Неофит се надева дека со Божја помош ќе биде поддржан процесот на признавање на автокефалноста на Македонската православна црква - Охридска архиепископија, кој тој го означи како „нешто во кое вреди да се вложи“.