Во Црна Гора најголемиот процент - 20,2 проценти од странските компании се руски, покажуваат податоците на црногорскиот Институт за статистика Монстат.

Истражување спроведено од невладиниот сектор, финасиски поддржано од Европската комисија, покажува дека дури 65 насто од граѓаните на Албанија не може да издвојат средства и да одат на годишен одмор.

Последните три земјотреси се регистрирани утрово во интервал од 01:09 до 04:51 часот со епицентри во градовите Пеќин, Ѓирокастро и Вора кај Тирана. Земјотресите биле со интензитет до 2,2 степени според Рихтеровата скала.

Хрватската стопанска комора (ХГК) соопшти дека големите спортски натпревари, особено европските и светските фудбалски првенства, доведоа до раст на економијата во земјата од околу 10 проценти.

Косовскиот премиер Рамуш Харадинај се противи дури и на споменувањето на поделбата на Косово, односно размената на територии со Србија, и смета дека такво нешто би предизвикало трагедија за целиот Балкан, јави дописникот на МИА од Приштина.

Мицотакис рече дека опозициската партија немала никакво официјално известување од владата за конкретното прашање, но според она што е познато, „ако навистина постоела интервенција во внатрешните прашања на земјата, тогаш Грција треба да реагира ефективно и одлучно“, јави дописничката на МИА од Атина.

Словенечкиот претседател Борут Пахор најави дека в понеделник официјално ќе го информира Парламентот дека засега нема никого да предложи за мандатар за состав на новата влада на Словенија, но и дека ќе иницира нова рунда консултации за формирање парламентарно мнозинство.

Размислувњата на шефот на српската држава Александар Вучиќ за Косово се далеку од реалноста, изјави косовскиот претседател Хашим Тачи, изнесувајќи оценка за последниот круг од дијалогот меѓу Белград и Приштина што се одржа во средата во Брисел.

Меѓудржавните договори се резултат на компромис, склучивме договор со придобивки и за двете земји, рече шефот на грчката дипломатија Никос Коѕијас во говорот на крајот од конференцијата за правните аспекти на Договорот од Преспа што се одржа во грчкото МНР.

Проетседателката на Комисијата за евроинтеграции во косовското Собрание, Блерта Делиу-Кодра смета дека препораката за укинување на визите за Косово е „значаен момент во остварувањето на едно долгоочекувано право“ на косовските граѓани, јави дописникот на МИА од Приштина.