Нема опасност за седумте нуклеарни реактори во Шпанија, соопшти Агенцијата за нуклеарна безбедност на земјата, откако голем дел од државата денеска остана без електричната енергија.

Претседателот на Европскиот совет, Антонио Кошта денеска изјави дека нема индиции дека прекинот на снабдувањето со електрична енергија на Иберискиот Полуостров е предизвикан од кибер напад.

Прекинот на струја во големи делови на Португалија предизвика бројни проблеми, а како што соопшти Националната енергетска мрежа (РЕН), целосна нормализација во снабдувањето со струја би можела да трае до седум дена поради сложеноста на проблемот.

Американскиот претседател Доналд Трамп ѝ посака среќа на Канада на денешните избори и ја повика да стане 51-ва држава на САД.

Трговскиот конфликт меѓу администрацијата на претседателот на САД, Доналд Трамп, и Кина го намали прометот со стоки во американските пристаништа и влијае врз американската економија, јави синоќа „Фајненшл тајмс“.

Американскиот претседател Доналд Трамп јасно стави до знаење дека сака траен прекин на огнот во Украина, а не привремен прекин на непријателствата, изјави портпаролката на Белата куќа, Каролин Ливит.

Следниот германски канцелар, Фридрих Мерц, денеска изјави дека довербата во демократијата во неговата земја е нарушена, нешто што го поврза со зголемената поддршка за крајната десница, објавија светските агенции.

Германските христијански демократи (ЦДУ) денеска го одобрија коалицискиот договор со социјалдемократите (СПД), отстранувајќи уште една пречка на патот кон формирање на следната влада.

Минатата недела федерален судија ја блокираше одлуката на администрацијата на Трамп да им се скратат федералните средства за судските власти во десетина држави и градови кои одбија да спроведат строги владини мерки против мигрантите.

Гробот на папата Франциск во базиликата „Санта Марија Маџоре“ во Рим веќе го посетиле повеќе од 70.000 верници, јави денеска римската полиција, а пренесоа италијанските медиуми.