Израелскиот премиер Нафтали Бенет тајно отпатува за Москва за да се сретне денеска со рускиот претседател Владимир Путин, јави Аксиос.

Украинските сили ги држат клучните градови во централниот и југоисточниот дел на земјата, додека Русите се обидуваат да ги блокираат и задржат опколените Харков, Николаев, Чернихив и Суми, соопшти денеска украинскиот претседател Володимир Зеленски.

Демонстрации против војната и поддршка на украинскиот народ се одржуваат оваа сабота во Париз и во повеќе француски градови, јави дописникот на МИА.

– Сега не знаеме како да ги евакуираме овие луѓе, како да им помогнеме, рече Кулеба. – Им снема вода и лекови, потенцираше тој.

Се чини дека услугите и производите ќе станат поретки во Русија, откако денеска уште повеќе компании објавија дека ги прекинуваат врските во знак на протест против тековната инвазија на Кремљ врз Украина, јави германската агенција ДПА.

Украинскиот министер за надворешни работи Дмитро Кулеба на Твитер објави видео од два града во Украина – Бердјанск и Херсон – на кои се прикажани протести против руската окупација.

Германските опозициски демохристијани (ЦДУ) се против целосно блокирање на увозот на руски гас и нафта и за задржување на културните врски со земјата, и покрај војната во Украина, соопшти денеска шефот на ЦДУ Фридрих Мерц.

Моравјецки им рече на новинарите дека Блинкен целосно се согласува дека е неопходно да се зајакне источното крило на НАТО, а со тоа и безбедноста на Полска, Литванија, Романија, Унгарија и Словачка и дека сите сојузници го велат истото.

Бројот на цивили убиени во Украина од почетокот на руската инвазија пред 10 дена достигна најмалку 351, додека 707 се ранети, се вели во соопштението на набљудувачката мисија на ОН. Реалните бројки веројатно ќе бидат „значително повисоки“, пренесува Гардијан.

Изгледите за осмислена дипломатија меѓу САД и Русија на кој било фронт се мрачни, бидејќи и двете земји се заглавени во најлошата конфронтација од кубанската ракетна криза од советско време.