Американскиот претседател Доналд Трамп денеска изјави дека Иран мора да се откаже од секакво тежнеење по нуклеарно оружје или да се соочи со можен американски воен напад врз неговите нуклеарни постројки.

Унгарскиот парламент го усвои уставниот амандман со кој се дозволува владата да забрани јавни активности на ЛГБТКју+ заедницата.

Фармацевтската компанија Фајзер денеска го запре развојот на лек против обезност, откако беше откриено дека учесник во тестирањето на лекот претрпел оштетување на црниот дроб, што е потенцијално поврзано со лекот.

Цените на нафтата денеска на меѓународните пазари надминаа 65 долари, бидејќи инвеститорите беа охрабрени од олеснувањето на американските трговски ограничувања и закрепнувањето на кинескиот увоз.

Американскиот претседател Доналд Трамп денеска ги обвини неговиот претходник Џо Бајден и украинскиот претседател Володимир Зеленски дека не успеале да ја спречат војната во Украина.

Капсула со шест жени членки на екипажот успешно слета на земјата во Западен Тексас, по краткиот, но историски лет во вселената организиран од „Блу Оринџ“. Летот траеше нешто повеќе од 10 минути.

Глобалната побарувачка за нафта ќе расте малку побавно од очекуваното оваа и идната година како резултат на новите американски царини, соопшти денеска Организацијата на земјите извознички на нафта (ОПЕК).

Идниот германски канцелар Фридрих Мерц предизвика остри критики од Москва со тоа што сугерираше дека уништувањето на рускиот мост до анектираниот украински полуостров Крим може да помогне во воените напори на Киев.

Во Јапонија во октомври 2024 година живееле 123,8 милиони луѓе, односно за 550.000 помалку од 2023 година, соопштија денеска локалните власти, додавајќи дека ова е најголемо намалување на бројот на населението од 1950 година, кога почнало собирањето податоци.

Русија има докази дека се одржал „состанок“ на украинските воени лидери со нивните западни колеги во објектот во Суми што беше погоден од руски ракетен напад, изјави денеска рускиот министер за надворешни работи Сергеј Лавров.