Москва адекватно ќе одговори на одлуките на Вашингтон и повеќе западни земји за протерувањето руски дипломати, изјави денеска портпаролката на руското Министерство за надворешни работи Марија Захарова.

Руското Министерство за надворешни работи денеска оцени дека протерувањето на руски дипломати од западните држави е „непријателски чекор“ и најави дека ќе реагираат на него.

Мерката е преземена како одговор за труењето на поранешниот двоен шпион Сергеј Скрипал во Солисбери, во Британија на 4 март. Во нападот врз него беше отруена и неговата ќерка Јулија.

Претседателот на Европскиот Совет, Доналд Туск, информираше дека досега 14 земји членки на Европска унија протерале руски дипломати од своите земји. Тој додаде дека не исклучува дополнителни европски мерки, како што се натамошни протерувања.

Франција донесе одлука за протерување четворица руски дипломати поради скандалот со труење на поранешниот шпион Сергеј Скрипал во Британија, соопшти МНР на Франција.

Германскиот министер за надворешни работи изјави денеска дека Берлин наредил протерување четворица руски дипломати поради случајот Скрипал, во момент кога државите од Европската унија преземаат притисок врз Москва.

Американскиот претседател Доналд Трамп нареди протерување 60 наводни руски шпиони од САД како одговор на нападот со нервен агенс врз поранешен шпион Сергеј Скрипал во британскиот град Салисбури во почетокот на месецот.

Шефот на делегацијата на ЕУ во Русија, Маркус Едерер пристигна во Брисел согласно одлуката на шефовите на држави или влади на Унијата, тој да биде повлечен од Москва за консултации.

Илјадници демонстранти со каталонски знамиња излегоа на улиците на Барселона по апсењето во Германија на поранешниот каталонски лидер Карлес Пуџдемон, баран од шпанското правосудство.

Илјадници луѓе се собраа на Плоштадот на Големото национално собрание во Кишињев, извикувајќи слогани „Обединување" и „Долу границата меѓу браќа" и пееја патриотски песни, како и химните на двете држави.