На руско барање, наскоро во Њујорк ќе започне седница на Советот за безбедност на Обединетите нации, посветена на вчерашниот американско-британско-француски ракетен напад врз Сирија.

Во својата прва Твитер порака по нападот врз Сирија, американскиот претседател Доналд Трамп изјави дека нападот бил извршен „перфектно“ и дека мисијата е исполнета.

Нема цивилни, ниту воени жртви во нападите што САД, Велика Британија и Франција ги извршија рано изутринава во Сирија врз цели на силите лојални на претседателот Башар ал-Асад.

САД имаат докази дека сириските власти се одговорни за хемискиот напад во Дума на 7 април, изјави денеска портпаролката на Белата куќа, Сара Сандерс.

Европската Унија „најстрого ја осудува постојанта употреба на хемиско оружје од страна на сирискиот режим“ исткна во писмено соопштение високата претставничка за надворешна политика и безбедност на ЕУ, Федерика Могерини, објавено по повод денешните воздушни напади на САД, Франција и Велика Британија.

Сирискиот претседател Башар ал-Асад денеска порача дека нападите што рано изутринава ги изведоа САД, Велика Британија и Франција врз цели во Сирија, само ја зајакнуваат решеноста на Дамаск да продожи со борбата против тероризмот.

Повеќемина аналитичари во изјави за Си-Ен-Ен укажуваат дека еднократни напади би биле без ефект и дека само нивно продолжување може да го спречи режимот во Сирија да користи хемиско оружје.

Сирискиот систем за противвоздушна одбрана С-300 од советско производство, урна 71 од 103-те крстосувачки ракети што рано изутринава ги истрелаа САД и нивните сојузници врз цели во Сирија

Кинеското Министерство за надворешни работи денеска соопшти дека верува оти политички договор е единствената опција за решавање на сириското прашање и повика на целосна фер и објактивна истрага за наводните хемиски напади во Сирија.

По денешната сојузничка акција, сириската државна телевизија објави снимка на која се гледа како претседателот на Сирија, Башар ал-Асад доаѓа вообичаено на своеото работно место, само неколку часа по нападите.