Лични и веројатно деликатни податоци за пациенти најверојатно се украдени од стотици германски болници, јави ДПА.

Повеќе од 500 студенти и професори беа евакуирани од Универзитетот во Мелбурн поради силен и непријатен мирис, за што се посомневале дека се работи за хемиски гас.

Од руски Твитер профили објавувани се пораки за поддршка на опозициската Лабуристичка партија во обид да се влијае врз минатогодишните парламентарни избори во Велика Британија, покажува истражувањето на Универзитетот Свонси и „Сандеј тајмс“.

Лидерите на Велика Британија, Франција и Германија денеска се согласија дека важечкиот договор со Иран е најдобар можен начин да се спречи Техеран да се стекне со нуклеарно оружје, се наведува во соопштението на Даунинг стрит 10.

Американскиот државен секретар Мајкл Помпео денеска во Ријад ја истакна потребата за единство во Персискиот Залив, во момент кога Вашингтон се обидува да добие поддршка од сојузниците за нови санкции кон Иран.

- Потврдена е подготвеноста на Русија и понатаму да помага во воспоставувањето на соработка меѓу Северна и Јужна Кореја, се наведува во соопштението на Кремљ.

Папата Франциско денеска ја поздрави „храбрата посветеност“ на лидерите на Северна и Јужна Кореја и нивната цел да „создадат пат за искрен дијалог на Корејскиот полуостров ослободен од нуклеарно оружје“.

Државниот секретар на САД Мајк Помпео денеска, за време на кратката посета на главниот град на Саудиска Арабија, Ријад, ја истакна потребата за единство во Заливот.

Американскиот претседател Доналд Трамп се закани дека ќе ја стопира работата на федералната Влада во септември доколку Конгресот не обезбеди повеќе финансиски средства за изградба на ѕидот на границата со Мексико.

Севернокорејскиот лидер Ким Џонг - ун изјави за време на самитот со претседателот на Јужна Кореја, Мун Џае - ин дека ќе го затвори теренот за нуклеарни проби во својата земја во мај, пред очите на целиот свет, соопшти денеска кабинетот на Мун.