Пет лица се лишени од слобода и одземено е поголемо количество муниција и друга опрема во активностите за расчистување на случајот со вооружената престрелка изминатиот петок на булеварот Маршал Тито во Тетово, информираа од СВР Тетово.

Татко го нашол четримесечното бебе со повреда на главата во семејниот дом во едно гостиварското село. Случајот во полиција е пријавен од гостиварската болница.

Гостиварската полиција расветли над педесет тешки кражби и поднесе кривична пријава против две лица кои се осомничени дека се сторители. Крадците украдените предмети ги продавале на црни пазари во Албанија и Македонија.

Пешак се здобил со тешки телесни повреди во една од вкупно осум сообраќајки случени во текот на вчерашниот ден во Скопје. Во пет сообраќајки полесно биле повредени шест лица, а во две била причинета материјална штета.

Фејсал Меџити, таткото на тинејџерката која се удави во водите Вардар во Гостивар бегајќи од куче, најави тужба против актерката Ирена Ристиќ која изминатиов викенд на својот Фејсбук профил објавила дека тинејџерката била убиено од својот татко.

Гостиварец починал од повреди на главата кога од камион со кој се разминувал паднале метални шипки врз неговото возило.

Деветнаесет годишен жител на селото Леуново заработи кривична пријава и притвор поради сомнеж дека е сторител на повеќе тешки кражби во викендички околу Мавровското Езеро.

Двајца кичевци физички се пресметале при што се здобиле со телесни повреди.

Тринаесет лица се осомничени за вклученост во престрелката пред казино во Тетово во петокот вечерта. За двајца осомничени, кои при инцидентот користеле автоматско оружје, поведена е истражна постапка за сторено кривично дело – Предизвикување општа опасност, како и за кривично дело Недозволено изработување, држење и тргување со оружје или распрскувачки материи. Едниот од овие двајца осомничени е во бегство и не е достапен на органите на прогонот.

Продолжува практиката на криволов на риба од Охридското Езеро, што значително го загрозува рибниот фонд.