Претседателот на Владата на Република Македонија, Зоран Заев, по повод смртта на Перо Ивановски – Тиквар, упати телеграма со сочувство до Сојузот на Борците на Република Македонија.

Електрани на Македонија ќе додели пет стипендии на студенти од Електротехничкиот факултет при универзитетот „Гоце Делчев“ во Штип. Ова е договорено денеска во рамки на потпишаниот договор за соработка меѓу двете институции.

Советот на општина Дебар на денешната осма редовна седница даде согласност за основање регионална депонија и потребната инфраструкутра за југозападниот плански регион, а поради недостиг на финансии тоа и го доверува на Владата.

Градење позитивен однос полиција-сопственици на угостителски објекти во рамките на проактивниот пристап на работа на полицијата во заедницата и под мотото „Почитување на законите“, денеска во Струмица се одржа заеднички состанок на претставници на СВР Струмица и угостители.

Министерот за економија Крешник Бектеши денеска престојуваше во Дебар, каде оставри средба со градоначалникот Ружди Љата, а ги посети кол центарот „Слајс“ и „Дебарски Бањи-Цапа“.

Унапредување на стручното образование како предуслов за поголем број вработувања има за цел проектот Образование за вработување во Македонија што се одржа денеска во Тетово.

Зголемен водостој на Вардар кај Велес и Демир Капија, на Пчиња кај Катлановска Бања и на Црна Река кај Новаци во однос на просекот за јуни, покажува хидролошка информација на Управата за хидрометеоролошки работи.

Неколку пчелари од здружението „Неготински мед“ ги поставија првите три пчелни семејства (нуклеуси) од високо селектирани матици во Пчелниот парк, иден Апицентар во селото Вешје.

Секторот за внатрешни работи-Струмица преку засилени контроли ќе проверува присуство на малолетници во угостителски објекти по полноќ, точење алкохолни пијалоци на малолетни лица и прегласната музика, соопштија од струмичката полиција.

Во јавните средни училишта во кои останаа слободни места, денеска ќе се спроведе второ пријавување во јунскиот рок за запишување ученици во прва година средно образование во учебната 2018/2019 година.