Поради свлечиште на патниот правец Македонски Брод - село Самоков, кај автобуската постојка за село Девич, сообраќајот е во прекин, информираат од Авто-мото сојузот на Македонија.

Од општината информираа дека со овој договор се поддржува работата на Центарот за жени, кој се наоѓа во Автокоманда, општина Гази Баба, ќе биде набавена нова опрема за нивните потреби, бидејќи веќе постоечката била уништена од поплави кои постојано го зафаќале овој кризен центар, а ќе бидат поставени и нови врати на просториите.

Градската депонија на Велес денеска цел ден гореше, а бел опасен чад се ширеше кон градот. Пожарот со вода го гаснеа екипи на Противпожарната единица и ЈКП „Дервен“ кое стопанисува со депонијата кои со булдужери затрупуваа со земја.

Годинава го имавме едно од најмасовните и најквалитетни изданија на Струмица опен фестивал, оцени градоначалникот на Струмица, Коста Јаневски на денешната прес конференција.

Штип, 20 август 2018 (МИА) - Штипските основни училишта и оваа година ќе имаат помал број на запишани првачиња од предвидените бројки. Најмал број на првачиња до денеска се запишани во Општинското Основно училиште „Гоце Делчев“, каде што засега наместо три ќе се формираат две паралелки, бидејќи има запишано само 44 првачиња во централното училиште, вели директорот, Трајче Димов.

Дејноста на Агенцијата за млади и спорт да се раздвои и нејзина главна задача да биде работата со младите, а за спортот да се формира посебно Министерство.

Во првите шест месеци од годинава во СВР Велес биле пријавени 109 нарушувања на јавниот ред и мир скоро исто како и предходната година кога имало 110 нарушувања, информираат од СВР Велес.

Просторот на поранешната претоварна станица за отпад кај Жито Полог на влезот во Тетово од годинава од страна на општина Тетово е определен како привремен сточен пазар во пресрет на муслиманскиот верски празник Курбан Бајрам.

Делчевските овоштари по вчерашната средба со претставници на Министерството за земјоделство го реализираа најавениот протест со цел, како што велат, до среда да се изнајде решение за проблемот со откупот на сливи во Делчевско.

Околу 130 ученици од прво до петто одделение од седум кумановски основни училишта деновиве ќе учествуваат во спортската манифестација „Забавни фудбалски школи“ што беше отворена утринава на спортските терени на градскиот кеј во Куманово. Настанот, е развиен по концептот кој потекнува од Данскиот фудбалски сојуз.