АД Електрани на Македонија почнаа со празнување на македонскиот Ден на рударите 28-ми август, а според програмата, годинава најголемиот дел од активностите се организираат во Битола и РЕК Битола.

Во првите шест месеци од годинава буџетот на Општина Штип заедно со блок дотациите е реализиран над 369 милиони денари или 39 проценти, а додека основниот буџет е реализиран со 142.494.000 денари или со 30 отсто од планираното, информира раководителот на Секторот за финансии во општина Штип, Трајче Цветков.

Во првото полугодие од годинава, општина Гевгелија реализирала приходи од 179,1 милиони денари од кои тековно оперативни биле околу 170 милиони денари, а 9,3 милиони денари биле капитални приходи.

Двојно е зголемен водостојот на реката Вардар кај Јегуновце и Велес, како и на Црна Река кај Новаци.

Бранот врнежи што ја зафати Македонија е добредојден за земјоделските култури. Според агрометеоролозите, недостигаше влага во површинскиот слој на почвата особено поради топлото време изминатиов период.

Тројното убиство што се случи во Дебар, во кој смрттно се застрелани тројца членови од семејството Поцеста, маж, неговата сопруга и малолетна ќерка, ја вознемири целата дебарска јавност, која е во шок и неверување.

Невреме со поројни дождови го зафати кавадаречкото село Возарци, каде има поплавени куќи и подруми.

На граничниот премин Табановце има зголемена фреквенција на возила. Времето на чекање за излез од државата, е од 15 до 30 минути, информираат од Автомото сојузот на Македонија.

Времето до крајот на денот ќе биде нестабилно со локален пороен дожд и грмежи. Врнежите ќе продолжат и преку ноќта и ќе се интензивираат, особено во северните делови. Ветерот во ноќните часови ќе го промени правецот во северозападен и ќе се засилува, особено во горниот дел на Повардарието.

Стручна екипа од 20 лица и од 80-100 работници неполни четири месеци работеа на три локации за кои беше познато дека можат да имаат вреден археолошки материјал кој квалитетно треба да се пронајде и конзервира. Две од локациите се во атарот на општина Штип, една во општина Радовиш.