Споредувањето на бројот на запишани првачиња и гимназијалци во гевгелиските училишта со бројот на запишани во изминатите години, покажува континуирано намалување на новозапишани ученици од година во година.

Под Мало мовче утрово по Вардар од Велес заплови 20. Вардарска регата „Гемиџии 2018“ што ја организира Општина Велес.

Речиси тројно зголемено во однос на августовскиот просек е нивото на реката Црна кај Новаци, а речиси двојно повиски се нивоата на Вардар кај Зајчев Рид и на Треска кај Македонски Брод.

Земјотрес со интензитет од три степени според Европската макросеизмичка скала е почувствуван изутрината во југозападна Македонија.

Регионалниот пат од Охрид кон Свети Наум денеска од 13 часот се затвора за сообраќај во должина од 600 метри.

Во организација на Здружението на граѓани со ретки болести „Живот со предизвици“ од денеска до 2 септември во Охрид ќе се одржат серија предавања посветени на лицата заболени од Алпортов синдром, ретко бубрежно заболување на младата популација.

Во општина Крива Паланка денеска се одржа oбука за менаџмент и онлајн туризам како дел од активностите на проектот „Туризам без граници“, финансиран преку ИПА програмата за прекугранична соработка меѓу Република Македонија и Република Косово.

Советот на општина Кавадарци денеска донесе одлука со која тројца кавадарчани го добиваат највисокото општинско признание, наградата „7 Септември”. Од областа на културата наградата ја добива Страшо Темков - флејтист, од областа на спортот професорот по физичко воспитување Димитар Пецов и од областа на музиката, седмосептемвриска награда ќе ја добие Александар Ангелов од групата „Дрим тим“.

Кавадарци во следниве три дена (31 август - 2 септември) ќе биде домаќин на велосипедската кадетско-јуниорска балканска елита.

Менаџментот на РЕК Битола и градоначалниците на општините Битола, Новаци и Могила потпишаа меморандуми за меѓусебна соработка со што се обврзуваат интензивно и конкретно да соработуваат во области од надлежност на локалната самоуправа.