Седум образовни асистенти од Крива Паланка ќе работат со ученици со пречки во развојот во образовните институции од градот во рамки на проектот „Цело е кога има се“ кој локалната самоуправа на општината го имплементира во рамки на програмата општинско-корисна работа, поддржан од УНДП, Агенција за вработување и Министерство за труд и социјална политика.

Со концерт на кој ќе настапат тенорот Влатко Груевски и Андреј Наунов на пијано, в петок ќе се одбележат 74 години од ослободувањето на Делчево. Почетокот на концертот кој ќе се одржи во Спомен дом АСНОМ е закажан за во 20 часот.

Вањо Костиќ од Куманово е единствениот во градот и во Македонија кој веќе десетина години изработува резба на кожа познато како leather craft. Невообичаениот занает за овие простори го усовршил на обука во Аризона во САД. Кожата, како природен материјал, нуди можност за креативност преку кој, Костиќ уметнички се изразува.

Во првото полугодие од годинава на територијата на општина Гевгелија биле заловени вкупно 24 кучиња скитници по пријави од граѓани од страна на ветеринарната станица „Анри-Вет“ и општинската шинтерска служба, соопштија од јавното претпријатие „Комуналец“ во чиј состав работи шинтерската служба.

- Во 20 часот бевме известени од командирот на противпожарната единица дека е запалена депонијата. Од наша страна веднаш се преземени активности. Со нашето возило по пристигнувањето е направен земјен појас за да се спречи понатамошното ширење на пожарот, рече директорот Стојковски.

Во несреќата биле затрупани и околу 1.500 до 2.000 овци и неколку грла крупен добиток. Веднаш по несреќата била формирана комисија од Државниот секретаријат за внатрешни работи. Таа до доцна вечерта испитувала како дошло до несреќата. Во соопштението кое го доставил, укажала дека несреќата се случила од природни причини.

Изградба и реконструкција на локална патна мрежа, атмосферска канализација и реконструкција на основно училиште, се проектите за кои денеска ќе се потпишат договори во Министерството за финансии.

Во Охрид од денеска до петок ќе се одржува меѓународна конференција насловена „Мигрантската и бегалската криза во глобалниот свет:одговорности и одговори“.

Денеска се навршуваат девет години од трагедијата на Охридското Езеро кога при потонувањето на бродот „Илинден“ животот го загубија 15 лица, туристи од соседна Бугарија.

Општина Битола почна со инфраструктурни активности на улицата „Климент Охридски“ каде увид во градежните активности изврши градоначалникот Наташа Петровска.