На плоштадот во Гевгелија, Здружението на граѓани „Внимание“, синоќа ја организираше хуманитарната продажна акција за собирање средства за потребите на Дневниот центар за лица со посебни потреби „Мајка Тереза“ од Гевгелија.

Во насока на заштита на населението од евентуални поплави во општина Берово започнаа активности за чистење на месноста Ормански поток од мостот кај Полотекс до спојот со Којова Ливада.

Магичен и мистериозен. Вака посетителите на ајваријадата во срспкиот град Власотинце, го опишаа ајварот подготвен од група росоманци, кој освои трета награда. А кога прашуваа за тајната формула за вкусот кој се памети, добиваа одговор дека рецептот е во љубовта додека се приготвува. Само работа со љубов, ете тоа е рецептот.

Во соработка со гимназијата и основните училишта во Берово реализирана е еко акција за чистење на повеќе локации во градот. Учениците од деветолетката „Дедо Иљо Малешевски“, беа вклучени во чистење на градскиот парк, просторот околу основното училиште, додека гимназијалците од „Ацо Русковски“ го чистеа комплексот околу старата гимназија.

Во рамки на одбележување на 15 септември, Светскиот ден на чистењето општина Велес денеска ја изведе втората годинашна еколошка акција за почист град.

Штипските таксисти бараат зголемување на цената на такси услугите за цели 60 проценти. Оваа одлука е донесена на последниот состанок на Здружението на авто-такси превозници.

По 40 години денеска во Штип се сретнаа младите акцијаши, кои три години го граделе Патот на младоста до планината Плачковица во должина од 43 километри.

По повод Светскиот ден на чистењето 15 Септември денеска прилепските јавни комунални претпријатија „Комуналец“, „Водовод и канализација“ и водостопанското претпријатие „Прилепско Поле“ заедно со локалната самоуправа практично се вклучија во акцијата за чистење на градот.

Во тек се подготовките и чистење на теренот потребни за почеток на доизградба на кејот од Каменичка Река. Според информацијата на градоначалничката Соња Стаменкова во рамки на доуредувањето на кејот ќе биде поставена соодветна урбана опрема.

Вработените во општина Ресен, учениците од основните и средното училиште и еколошкото друштво „Еко герила - Преспа“, со поддршка на локалното население, со еко акција денеска се вклучија во одбележувањето на Светскиот ден на чистењето.