Штипскиот затвор е прв кој отвори катче за децата на осудените лица. Согласно препораките на Советот на Европа донесени годинава, секоја казнена институција во државата треба да има ваква просторија, каде би престојувале децата при посета на своите родители.

На тринаесет штандови богати со најразлични производи од сливи денеска се славеше традицијата. На едно место се вареше ракија, се подготвуваше мармалад и слатко, а се дегустираа и вкусните производи збогатени со сливи и изложени на продажните штандови.

Вкупно 25 крвни единици се собрани на денешната крводарителска акција што ја организираше општинската организација на Црвен крст - Струга по повод верскиот празник Рожденство на Пресвета Богородица.

Со велосипедско дефиле, сообраќајна поука и креативни активности под мотото „Комбинирај и движи се“, во општина Крива Паланка денеска беше одбележан Денот без автомобили во рамки на Европската недела на мобилност која трае 16 – 22 септември.

Во дворот од црквата свети Никола во Тетово денеска беше одбележана 74 годишнината од стрелањето на двајцата заробени борци од Третиот партизански одред во борбата кај гостиварското село Беличица, Младен Симоски - Требош и Андреа Христовски - Шварц.

Во дворот на манастирскиот комплекс св.Јоаким Осоговски во Крива Паланка денеска со утрена богослужба и света литургија се одбележа големиот христијански празник Рождество на Пресвета Богородица - Мала Богородица.

Во дефилото учествуваа стотина велосипедести, а манифестацијата ја отвори Јосиф Христов, член на Советот на општина Струмица.

Основа на манастирскиот комплекс е малата пештерска црква, сместена во карпа, изградена во 14. век. Во трите монашки ќелии, две на пр­ви­от и ед­на на вто­ри­от кат се влегува преку мала и тесна врата, а внатре покрај доховен мир ќе најдете и многу историја. Тука претстојувале и твореле познати ин­те­ле­кту­ал­ци, ме­ѓу кои и браќата Ди­ми­тар и Кон­стан­тин Ми­ла­ди­но­ви.

Во Делчево се одржа завршната работилница за изработка на Стратегија за соработка меѓу општина Делчево и граѓанскиот сектор. На работилницата присуствуваа претставници на десетина активни невладини организации и општина Делчево кои се вклучени во процесот на изработка на стратешкиот документ.

Подготовката на техничката документација за реконструкција на пешачката патека покрај Дојранското езеро, изградба на локален пат, поставување нова урбана опрема и како и изработка на проекти за заштита на животната средина во чија што реализација би можел да помогне и УНДП, биле темите на разговор меѓу заменик министерот за локална самоуправа Дејан Павлески и градоначалникот на Дојран Анго Ангов.