Градоначалникот на Неготино Тони Делков, потпиша договори за национално-кофинансирање на два ИПА проекти во неготинската општина, информираше денеска Методи Митрев, портпарол во локалната самоуправа.

Претседателката на Здружението на стечајни работници, Лилјана Ѓеоргиевска денеска имаше средба со штипските стечајци. Причината за средба е како што вели предлог законот, со кој ќе бидат опфатени и останатите стечајци, кои се уште не добиваат месечен паричен надоместок до нивното пензионирање.

Единаесет возила што емитувале штетни издувни гасови повеќе од дозволената граница биле исклучени од сообраќај од страна на полицијата при контролите во полошко во изминатите пет денови, информираше портпаролот на СВР Тетово Марјан Јосифовски.

Битола е идеално место да се дискутира за заедничките проблеми, а со цел да се подобрат стандардите за филмското работење, посочи Најџел Волтерс, потпретседател на Британската асоцијација на кинематографери и редовен учесник на ИФФК „Браќа Манаки“.

Со манифестацијата „13 песни за 13 величествени“ и отворање на изложбата „Преспански ликовни мотиви“ завршува септемвриската културна програма на Домот на културата „Драги Тозија“ во Ресен.

- На овој начин сакаме на децата да им покажеме дека спортот е дел од животот и оти тоа се практикува од најмали нозе. Само со активен живот од најмала до најголема возраст може да имаме активен и здрав град, рече раководителот на Секторот за јавни дејности Ахмет Ќазими.

Целото дебарско конзумно подрачје кое ги опфаќа општините Дебар, Центар Жупа и подрачјето на Река, општина Маврово и Ростуше денеска десет часа беше без елекрична енергија.

Гевгелиските советници на денешната седница направија измена и дополнување на Програмата за уредување на градежно земјиште на општина Гевгелија со што ја утврдија и висината на надометокот за уредување на градежно земјиште за ветерници за производство електрична енергија која ќе изнесува шест милиони денари по поставена единица.

Седум лица од Виница кои се пожалиле на труење со храна се задржани на лекување во инфективното одделение во Клиничката болница во Штип.

Работата на локалната самоуправа и актуелните општествено-политички теми и прашања врзани за референдумот на 30 септември беа во фокусот на разговорите со локалните власти при денешната посета на амасадорката на Велика Британија Рејчел Галовеј на Прилеп.