Со изборот на жетварска убавица што ќе се одржи утре во градскиот парк во Кочани, почнува дваесет и седмото издание на манифестацијата „Денови на кочанскиот ориз“.

Основните училишта во општина Пустец, Мала Преспа добија учебници и едукативни материјали. Донацијата, издавачката куќа „Арс ламина - публикации“, е распределена на учениците од прво до четврто одделение во двете ОУ „Отпорот на Горичени“ во Долна Горица и „Трајан Ѓорѓиовски и Митре Колевски“ во Пустец и нивните подрачни училишта.

Во Гостивар синоќа започна манифестацијата „Нов културен бран" со презентација на сработеното од проектите „Заедно кон Европа" и „Заедно под отворено небо“.

На денешната конференција, во организација на Еколошкото друштво „Планетум“ од Струмица заедно со граѓански организации и институции чие работење е поврзано со планината Беласица, покрената е иницијатива до Министерството за животна средина и просторно планирање оваа планина да се прогласи за заштитено подрачје.

Отсекот за превенција при СВР-Струмица во рамки на Акциониот план на МВР за спроведување на проектот „Полицијата и граѓаните заедно“, во кој е предвиден и проектот „Вози мотор, но биди безбеден“ вчера беше реализирана превентивна активност во СОУ „Никола Карев“ во Струмица.

Завршија градежните активности за уредување на речното корито на Липковка, со што се обезбеди заштита од поплави во центарот на Липково.

Три нови мерни станици за борба против климатските промени, се инсталирани во Градско, Кочани и Струмица. Навремените информации за времето се од корист за македонските земјоделци, беше речено на денешната работилница во Градско, на која учествуваа претставници на Агенцијата за поддршка и развој на земјоделството, организации на земјоделци и граѓански организации.

Познатиот дебарски манастир „Св. Ѓорѓи Победоносец“, што се наоѓа во селото Рајчица, на околу два километра од градот, утре посебно ќе чествува. Така е секогаш кон крајот на септември, кога се прославува големиот православен христијански празник посветен на воздвижението на чесниот и животворен Господов крст, а кој народот традицонално го нарекува - Крстовден.

Вториот канал на албанската државна телевизија РТШ, на денешен ден пред една година, по првпат почна со емитување емисии на јазиците на малцинствата, вклучувајќи ги и емисиите на македонски јазик.

Чекор напред кон соодветна, брза и квалитетна инспекциска контрола на сите пратки на храна од растително и животинско потекло што влегуваат или транзитираат низ Македонија, ќе обезбедат двата нови објекта што беа отворени денеска на Граничниот премин Блаце.