Од 85 испитаници матуранти Роми од Република Македонија 53 (63 отсто) планираат да го продолжат своето образование на додипломски студии на некои од универзитетите во Македонија, а 19 матуранти (22 отсто) одлучиле да не го продолжат своето образование.

Патниот правец Скопје - Македонски Брод преку националниот парк Јасен од вчера е отворен за движење од 7:30 до 8:30 и од 14:30 до 15:30.

Големо количество вода во Црна Река што наеднаш надошла го направила оштетувањето на бетонски мост на железничката пруга поради што од петокот вечерта во прекин е железничкиот сообраќај на коридорот 10. Мостот се наоѓа меѓу станицата Градско и крстосница Кукуричани, а сообраќајот се одвива само од Скопје до Велес и обратно.

На плажата „Калдрма“ во Нов Дојран почна годинашното порибување на Дојранското езеро со пуштање на 1.750 килограми крап според одредбите од законот за рибарство и аквикултура со цел да се одржува и зголемува рибниот фонд во езерото кое некогаш беше регистрирано како едно од најпродуктивните езера во Европа.

Авантура на четири тркала во срцето на Кожуф, вакво прекрасно доживување имавме деновиве, кога бевме во друштво со љубители на теренски возила, кои со своите миленици возеа по испустен терен, до македонско-грчката граница. По игра на случајноста се најдовме во првиот џип од колоната, постар од нас, „ланд ровер“ стар 51 година.

Тринаесет сообраќајни незгоди од кои две со тешки телесни повреди, пет со лесни телесни повреди и шест со материјална штета се случиле вчера на подрачјето на Секторот за внатрешни работи Скопје.

Членови на древната либанска Обител на Пресвета Богомајка – Хаматура посетија македонски древни светилишта.

Единаесетгодишниот планинар Ване Бошев го искачи врвот Стефани, на планината Олимп во Грција, висок 2.911 метри надморска височина. За ова денеска информираше неговиот татко Орданче, кој е, исто така, планинар.

Нивото на реките Вардар кај Демир Капија, Брегалница кај Берово, Црна Река кај Новаци и Сатеска кај Ботун е над просекот за октомври, соопшти Управата за хидрометеоролошки работи.

- Светската здравствена организација годинава излезе со број од 17,5 милиони смртни случаи што настанале како последица на кардиоваскуларни заболувања.