На граничниот премин Делчево е забележана зголемена фреквенција на возила, а надлежните очекуваат ваквата состојба да продолжи и следните денови поради вчерашниот празник и поврзувањето со викендот.

Во Струмица вечер почнува дводневниот научен симпозиум за Источно-црковно пеење. Ќе се одржи во храмот „Свети петнаесет тивериополски свештеномаченци“, а е во организација на НУЦК „Антон Панов“ и Струмичката епархија.

Министерот за локална самоуправа Сухејл Фазлиу попладне во Стар Дојран, заедно со претставникот на управувачката структура за имплементација на Програмата за прекугранична соработка со Грција, Александрос Самарас и градоначалникот на општина Дојран, Анго Ангов, ќе учествува на манифестацијата Европски ден на соработка 2018 година.

Тимот на готвачите од Романија освои најмногу награди на Третиот меѓународен гастрономски натпревар-„ГастроМак Македонија 2018“, што заврши синоќа во Струмица.

Градоначалникот на општина Куманово Максим Димитриевски се заблагодари на учесниците на трката со која се одбележува овој значаен датум од македонската историја.

Младинскиот тим на здружението „Аква“ и извидничкиот одред „Крсте Јон“ денеска реализираа нова еко-акција за чистење на плажата кај бротчето. Ова е втора еко-патрола организирана од тимот за заштита и чистење како дел од проектот „Мониторинг, заштита и одржливо користење на појасот трски на Охридското Езеро“.

Врвните светски готвачи и гастрономи, добитници на Мишелин ѕвезди, Џорџо Диана, Раду Замеску и Ѓорѓе Костиќ, ќе бидат дел од т.н. Гастро тура што од утре до 14 октомври ја организира Општина Охрид.

Околу 100 учесници од велосипедските клубови од Македонија и Бугарија и околу 80 претставници на училшниот спорт и 100-тина деца од градинката „Ангел Шајче“ учествуваа на денешната велосипедска трка по повод празникот „11 Октомври“ денеска во Куманово.

Општина Пехчево во рамки на меѓуграничниот проект „Платформа за меѓуграничен фестивалски туризам“ доби фестивалска сцена со комплетно озвучување и опрема, како и современ туристичко-информативен центар.

Околу 550 трговци закупиле простор за Кавадаречки панаѓур што почнува утре и ќе трае три дена.