Традиционални килими изработени во Охрид што датираат од втората половина на 19 век ќе бидат изложени во рамки на поставката „Софрата“ што од утре ќе биде отворена во Куќата на Робевци во Охрид.

Бигорската обител одбележа 20 години од свеченото преосветување на бигорскиот храм на Чесниот Претеча и Крстител Јован.

Утре почнуваат средбите со земјоделците во Царев Двор, Спанчево, Соколарци, Логоварди и Оптичари кои треба да го консолидираат своето обработливо земјиште. Ќе се утврдува дали и колку се подготвени да ја спроведат консолидацијата.

Градоначалникот на Општина Гостивар, Арбен Таравари самиот го чипираше првото куче скитник со соодветен чип на увото на кој ќе биде забележано местото од каде доаѓа и бројот на кучето што вака е третирано.

Во Секторот за внатрешни работи од Охрид вчера било пријавено дека во месноста „Лозја“ во атарот на охридското село Рамне биле забележани коски што наликувале на човечки остатоци.

Во општина Струга утре ќе ce спроведе теристичка дезинсекција против комарци.

Беровската опозиција на прес- конференција денеска со свое видување за отчетот за првата година од работењето на градоначалникот на општина Берово Звонко Пекевски. Според Никола Атанасов, претседателот на општинскиот комитет на ВМРО-ДПМНЕ од Берово, градоначалникот Пекевски се пофалил со проектите изработени и скоро во целост реализирани од претходниот градоначалник и администрацијата.

Градоначалникот на општина Берово Звонко Пекевски излезе со отчет за сработеното во првата година од неговиот мандат. Како што вели Пекевски, уште на самиот почеток на вршење на функцијата се соочил со проблемот, блокирана сметка на општината, што за него претставувало предизвик за макотрпна работа и изнаоѓање на решение и покрај таквата состојба да се излезе во пресрет на граѓаните.

Проектот „МАИНЛАНД“, финансиран од Европската унија, денеска организира информативна работилница за почнување студии за изводливост во селата Царев Двор, Спанчево, Соколарци, Логоварди и Оптичари, кои се пет од избраните области за консолидација на земјиште во Македонија.

Со ограничена брзина на 40 километри на час и по една лента ќе се одвива вечерва од 23:00 до 00:00 часот сообраќајот во тунелот 1 - Демир Капија, на патниот правец Гевгелија - Скопје, соопшти АМСМ.